بوقت التخطيط لميزانيتك لازم تتفادى أخطاء دايمن بتتكرّر لتسوية شؤونك المالية.

لكي لا تقع بالخطأ ولتبلّش سنة جديدة بتنظيم أفضل لأموالك، اتبع هذه الطريقة من بنك بيروت.

1/ راقب مصاريفك لمدة شهر، بهالطريقة بتلاحظ وين بتصرف أكتر وعلى شو بتصرف عادة خلال إيامك.

وبصير عندك فكرة كيف تنظّم بالمرحلة الجاية.

2/ بتعرف كيف كل شهر بيطلعلك مصاريف ما بتكون متوقّعها؟ تصليح سيارة أو شراء هدية، تصليح كهربا بالبيت... كلنا منفكّر فيهن بس دايمن منشعر بالخيبة و "الطرقة" وقتها بتوصلنا الفاتورة وما منكون حاسبين حسابها. لهالسبب تعوّد انك تترك مبلغ مخصّص للحالات الطارئة.

3/  بغض النظر عن المصاريف غير المتوقعة، ما تنسى المصاريف السنوية متل الميكانيك أو فواتير المي ومصاريف البلدية وغيرن. أحسن طريقة للتدخير لهالمصاريف انك تخصّص كل شهر مبلغ مقسم بالسنة. هيك وقتا بصير وقت الدفع، المبلغ موجود وحاضر

4/ اذا عندك credit card بأكتر من مصرف بتلاحظ انك بتصرف من كل كارت بدون رقابة. نظّمن وخصّص كل كارت لهدف معين حتى لا توقع بغلطة الصرف المفرط.

5/ بدّك تشتري بيت أحلامك منفهمك! بس ما تتهوّر وتلتزم ببيت ما تقدر تسكّر مصاريفو. اذا اشتيرت بيت أكبر من قدراتك دينك بيكبر وحالتك النفسية بتتدهور.

6/ ما تتّاخد بالعالم حواليك. اذا صرفوا بكمية هائلة ما تتأثر وتنجرّ. خلّي خطاك منتظمة حول ميزانيتك

7/ خصّص مبلغ للتسلية. حتى لو كل شهر في عندك مصاريف متعددة، فكّر بحالك وانبسط بحياتك